Татарстан Республикасының Суд департаменты идарәсендә укыту семинары
26 октябрьдә Татарстан Республикасының Суд департаменты Идарәсендә (алга таба – Идарә) «Татарстан Республикасы Дәүләт архивы» ДБУ (алга таба – ТР Дәүләт архивы) хезмәткәрләре тарафыннан идарә башлыгы урынбасары – суд эшчәнлеген оештыру – хокукый, мәгълүмати һәм статистик тәэмин итү бүлеге башлыгы А. Т. Ибраһимов һәм судлар эшчәнлеген оештыру – хокукый мәгълүмати һәм статистик тәэмин итү бүлеге башлыгы урынбасары А. М. Абдуллина катнашында архив эше мәсьәләләре буенча укыту семинары үткәрелде.
Семинарда Казан шәһәренең Авиатөзелеш район суды, Казан шәһәренең Вахитов район суды, Казан шәһәренең Киров район суды, Казан шәһәренең Мәскәү район суды, Казан шәһәренең Яңа Савин район суды, Казан шәһәренең Идел буе район суды, Казан шәһәренең Совет район суды кебек оешмалар катнашты. Моннан тыш, Татарстан Республикасы муниципаль районнары территориясендәге район судлары да видеоконференция режимында катнаштылар.
Методик семинар башында ТР Дәүләт архивы директоры урынбасары Р. Р. Гыйләҗетдинова киңәшмәдә катнашучыларның игътибарын Татарстан Республикасы архив фондын формалаштыру чыганаклары ролендә аларның эшенең әһәмиятенә юнәлтте.
Татарстан Республикасы Архив фондын формалаштыру бүлегенең баш архивистлары К. А. Гордеева һәм Т. М. Кондратова архив һәм эксперт комиссиясе турындагы нигезләмәләрне эшләүгә; норматив-хокукый актларны исәпкә алып эш алып бару буенча инструкцияләргә; даими саклау һәм шәхси состав буенча эшләр исемлеген төзүгә (төрләр, эчтәлек, сроклар, номерлаштыру) кагылышлы мәсьәләләрне аңлаттылар. Документларның кыйммәтлеген экспертизалау, эш номенклатурасын дөрес эшләү, оешма архивында документларны саклау шартларын тәэмин итү буенча методик характердагы презентацияләр күрсәттеләр.
Методик семинар тәмамланганнан соң, архивны алып бару өчен җаваплы Казан шәһәре район судлары белгечләре белән өстәмә рәвештә түгәрәк өстәл уздырылды. Түгәрәк өстәлдә җинаять һәм гражданлык эшләре буенча даими сроклы эшләрнең исемлеген төзү; шәхси состав буенча, ТР Дәүләт архивына даими сроклы эшләрне тапшыруны оештыру; саклау сроклары үткән эшләрне юк итү тәртибе мәсьәләләре тикшерелде. Шулай ук, Казан шәһәренең район судларында архив эшләрен алып барганда барлыкка килә торган башка проблемалы мәсьәләләр каралды.
ТР Дәүләт архивын тулыландыру чыганаклары белән үзара хезмәттәшлек итү дәвам итәчәк.