Татарстан Республикасы югары белем бирү оешмалары һәм Татарстан Республикасы Дәүләт архивы интеграциясе: архив тармагын яшь һәм перспективалы кадрлар белән тулыландыру
2023 елның 2 июнендә Татарстан Республикасы Дәүләт архивы Казан дәүләт мәдәният институты белән партнерлыкта «Документлар белән эшләү һәм архивта эшләү белеме» юнәлеше буенча чыгарыла торган курс студентлары өчен презентация уздырылды.
Чара онлайн форматта оештырылды. Анда 50дән артык кеше катнашты.
ТР Дәүләт архивы директоры Б. Р. Фәхретдинов чарада катнашучыларны Татарстан Республикасы архив хезмәте эшчәнлеге, аның өстенлекле һәм инновацион проектлары, казанышлары һәм актуаль үсеш юнәлешләре белән таныштырды. ТР Дәүләт архивында белгечләрнең һөнәри эшчәнлек мөмкинлекләре һәм перспективалары турында сөйләде. КФУ Халыкара мөнәсәбәтләр институтын тәмамлаган, ТР Дәүләт архивының баш архивисты Илья Кабанов, студентлар белән үз тәэсирләре һәм учреждениедә эшләве турында фикерләре белән уртаклашты. ТР Дәүләт архивы вәкилләренең чыгышлары презентация материаллары һәм видеофильм күрсәтү белән барды.
Чарада катнашучылар аны оештыручыларга рәхмәт белдерделәр һәм Татарстанның архив өлкәсенә эшкә урнашырга әзер булуларын, аралашуның ачыклыгын һәм фикер алышу кысаларында бирелә торган сорауларга (эш шартлары, эш графигы һәм хезмәт хакы) тулы җаваплар алуның кыйммәтен билгеләп үттеләр.