Татарстан Республикасы дәүләт архивы кураторларының Казан шәһәре Идел буе районы прокуратурасына баруы
2021 елның 17 мартында Татарстан Республикасы дәүләт архивының Архив фондын формалаштыру бүлеге хезмәткәрләре Т.М. Платонова һәм Г.Х. Мөхәммәтҗанова, оешма архивына методик һәм гамәли ярдәм күрсәтү максатыннан, Казан шәһәренең Идел буе районы прокуратурасында булдылар.
Әлеге прокуратура 2007 елның 14 ноябреннән башлап дәүләт архивының туплау чыганагы оешмасы булып тора.
Менә инде 14 ел дәвамында дәүләт архивы хезмәткәрләре тарафыннан прокуратура белән архив эшен һәм эш башкаруны системага салу буенча актив эш алып барыла. Бу оешма белән эшләү нәтиҗәсендә, Татарстан Республикасы архив эше буенча дәүләт комитетының эксперт тикшерү методик комиссиясендә локаль норматив актлар расланылды. Боларга эшләрнең номенклатурасы, архив һәм белгеч комиссиясе буенча нигезләмәләр керде. Даими сакланышта, шәхси состав һәм прокуратура архивының шәхси эшләре буенча документлар тәртипкә салынды.
Консультация барышында 2021 елдагы архив һәм белгеч комиссиясе нигезләмәләре, архив эшендә законнар базасы үзгәрүне исәпкә алып, 2022 елда эшләр номенклатурасының эшкәртмәләрен булдыруга методик киңәшләр бирелде. Болардан тыш, шәхси эшләр, шәхси состав һәм даими сакланышта булган документларны тәртипкә салу буенча сорауларга ачыклык кертелде.
Татарстан Республикасы Архив фондын формалаштыру бүлеге кураторларының эш нәтиҗәсе буларак план төзелде һәм аның үтәләш вакыты билгеләнде.